Яг одоо УИХ дахь МАН-ын бүлэг Төрийн ордны, Жанжин Сүхбаатарын танхимд хуралдаж байна. Энэхүү хуралдаанаар дөрвөн сайдын асуудлыг дахин хэлэлцэхээр болжээ. Өчигдөр буюу 7-р сарын 28-ны өдөр Ардын намын бүлэг хуралдаж удирдах зөвлөлөөс дөрвөн сайдад нэр дэвшүүлээд байсан нэр бүхий дөрвөн хүнийг дэмжихээр санал нэгдсэн. Гэсэн хэдий ч өнөөдөр Байнгын хороодын хуралдааны өмнө бүлгийн хуралдаанаар уг асуудлыг дахин хэлэлцэхээр болсон байна. Мөн хуралдаанаар Ёсзүйн дэд хороо, Тусгай хяналтын дэд хороо, Монгол банкны тэргүүн дэд ерөнхийлөгч, дэд ерөнхийлөгч,Санхүүгийн зохицуулах хорооны дарга нарын томилгооны асуудлыг хэлэлцэх аж.