Өнөөдрийн УИХ-ын нэгдсэн
хуралдаанаар УИХ-ын Монголын Засгийн газар, Азийн хөгжлийн банк хооронд байгуулах
“Нийгмийн халамжийг дэмжих хөтөлбөр”-ийн зээлийн хэлэлцээрийг соёрхон батлах
тухай хуулийн төслийг хэлэлцэн дэмжлээ. Дараагаар нь Монгол Улсын Засгийн
газар, Азийн хөгжлийн банк хооронд байгуулах “Хөдөө аж ахуй, хөдөөгийн хөгжил
төслийн нэмэлт санхүүжилт”-ийн зээлийн хэлэлцээрүүдийг соёрхон баталлаа. Үүний
дараа төрөөс мөнгөний бодлогын талаар 2016 онд баримтлах үндсэн чиглэл батлах
тухай УИХ-ын тогтоолын төслийн анхны хэлэцүүлгийг хийсэн юм. Эдийн засгийн
байнгын хорооны Ажлын хэсгээс гаргасан зарчмын зөрүүтэй саналтай холбогдуулан
гишүүд асуулт асууж, санал хураасан юм. УИХ-ын гишүүн Ц.нямдоржийн гаргасан
зээлийн хүүг 1-3 хувиар бууруулах саналыг тус байнгын хороо дэмжсэн. Түүнчлэн
ирэх оны төсвийн хүрээний мэдэгдэл, 2017-2018 оны төсвийн төсөөллийн тухай
хуульд өөрчлөлт оруулах тухай хуулийн төслийг давхар хэлэлцсэн. Ийнхүү
чуулганаар хэлэцсэн дээрх асуудлаар УИХ-ын зарим гишүүд ямар байр суурьтай
байсан талаарх дэлгэрэнгүй мэдээллийг маргаашийн “Өдрийн сонин”-ы хоёр,
дөрөвдүгээр нүүрээс уншаарай.