“Өдрийн
сонин”-ы бямба гаргийн дугаар хэвлэгдэн уншигч та бүхний гар дээр очлоо.
Иргэдийн дуу хоолой болсон “Хэлэх эрхийн индэр”, “Таны гал тогоонд”, Ном ярьж
өгье”, “Амрах агшин”, “Гэмт хэргийн тойм”, “Өдрийн зочин” зэрэг тогтмол
булангуудаас гадна “Мишээл экспо”-д өчигдөр эхэлсэн “Сар шинэ-2016” өргөтгөсөн
худалдааны сурвалжлага, “Альберт Эйнштений эсрэг тэсрэг амьдрал”, УИХ дахь
Ардчилсан намын бүлгийн дарга Б.Гарамгайбаатарын ярилцлага зэрэг материалууд
орлоо. “Ном ярьж өгье” буландаа Австрийн нэрт аялагч Хайнрих Харрерийн “Түвдэд
өнгөрүүлсэн долоон жил” номыг оруулсан бол “Таны гал тогоонд” буланд люля кебаб
хийх аргачлалыг дэлгэрэнгүй нийтэллээ. “Сар шинэ-2016” өргөтгөсөн худалдаанд
дэлгэгдсэн үндэсний үйлдэрлэлийн бүтээгдэхүүний үнэ ханшийн хамт дэлгэрэнгүй
сурвалжиллаа.
Иргэний хуульд нэмэлт оруулах тухай болон Үл хөдлөх хөрөнгийн барьцааны тухай
хуульд өөрчлөлт оруулах тухай хуулийн төслийг өчигдөр УИХ-ын гишүүн Хууль зүйн
байнгын хорооны дарга Д.Ганбат, УИХ-ын гишүүн, УИХ дахь Ардчилсан намын бүлгийн
дарга Б.Гарамгайбаатар, Л.Эрдэнэчимэг, “Шударга ёс” эвслийн бүлгийн дэд дарга
З.Баянсэлэнгэ нар өргөн мэдүүлсэн юм. Энэ талаарх Ардчилсан намын бүлгийн дарга
Б.Гарамгайбаатараас авсан тодруулга нэгдүгээр нүүрт орлоо. Баримт, үзэл бодлын
гуравдугаар нүүрт “Ромео, Жульетта жүжгийг хориглох хэрэгтэй байна” нийтлэл
орсон бол тавдугаар нүүрт Монголын хөнгөн атлетикийн шигшээ багийн тамирчин,
“Алдар” спорт хорооны тамирчин, ОУХМ Б.Мөнхцэцэгийг онцоллоо.
Энэ мэтчилэн цаг үеийн мэдээ, мэдээллийг өнөөдрийн “Өдрийн сонин”-оос уншаарай.