“Өдрийн сонин”-ы даваа гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
“Өдрийн сонин”-ы даваа гариг бүрт уламжлал болгон хүргэдэг “Танайд өнжье” булан шинэхэн орон сууцандаа ороод байгаа Б.Хандмаагийнхаас шинэ дугаараа хүргэж байна. Нийслэлийн 2012-2016 оны үйл ажиллагаанд нэгэн том хөтөлбөр тусгагдсан нь агаар болон, хөрсний бохирдлыг бууруулах зорилготой гэр хорооллын иргэдийг орон сууцтай болгох дахин төлөвлөлтийн төсөл юм. Энэ төсөлд хамрагдан газраа чөлөөлөн орон сууцтай болж буй иргэдийн тоо нэмэгдсээр байна. Үүний нэг болох “Шинэ Амгалан” хороолол. Алд цэнхэр хадаг, аягатай сүүгээ барин хөл хөөр болсон эдгээр айлаас бэлтгэсэн “Танайд өнжье” буланг нэг, 12, 13 дугаар нүүрээс уншаарай.
УИХ-ын гишүүн Х.Тэмүүжингийн “Цагдаа, прокурор, шүүхийн гадна чулуу няслаад суудаг хүмүүс байхгүй болно” хэмээх ярилцлагыг өнөөдрийн дугаарын эхний нүүртээ онцоллоо. Тэрбээр прокурорын байгууллагын тухай хууль, Шүүхийн шийдвэр гүйцэтгэх тухай хуулийн шинэчилсэн найруулга, болоод цаг үеийн бусад асуудлаар манай сэтгүүлчтэй ярилцсан байна. Ярилцлагыг нэг, хоёр дөрөвдүгээр нүүрээс уншина уу.
“Өдрийн сонин”-ы нийтлэлийн бодлогыг тодорхойлж байдаг, алдарт гуравдугаар нүүрт “”Хан ресурс” бидэнд ямар сургамж өгөв?” нийтлэл хэвлэгдэн гарлаа. Уг нийтлэлд “…Тэглээ гээд энэ хүмүүс “Хан ресурс”-т 70 сая ам.долларыг халааснаасаа гаргаад өгөх биш Монголын ард түмний идэж уух, өмсч зүүхээс танагдан гарч байна. Харин бид “Хан ресурс”-ын сургамжийг л үеэс үедээ санаж явах нь чухал байна. Өөрөөр хэлбэл 70 сая ам.доллараар бид сургамжийн хичээл авлаа” хэмээн бичсэн байна.
Сүүлийн үед орон сууц, байрны гадаах зогсоол дээр тавьсан автомашины толь, эд зүйл хулгайд алдагдах хэргүүд ихэсчээ. Баянзүрх дүүргийн цагдаагийн газар автомашины толины хулгайн хэргээс урьдчилан сэргийлэх чиглэлээр хэд хэдэн ажлыг хийж эхэлсэн бөгөөд үүний нэг нь автомашины толин дээр тухайн автомашины улсын дугаарыг үнэгүй шивж кодлож өгч байгаа аж. Энэ тухай дэлгэрэнгүй мэдээллийг долдугаар нүүрт хэвлэлээ. Эдгээр болон бусад цаг үеийн мэдээ мэдээллүүд манай өнөөдрийн дугаарт гараад байна.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ