“Өдрийн сонин”-ы даваа гаригийн дугаар 20 нүүрээр хэвлэгдэн гарлаа. Энэ удаагийн дугаарт уламжлал ёсоор “Танайд өнжье” булан орсон. Түүнд саяхан “Алдрын од” шагналыг хүртээд буй “Соёл-Эрдэнэ” хамтлагийн үүсгэн байгуулагч, МУУГЗ, Буриадын ардын жүжигчин, ОХУ-ын төрийн шагналт Б.Наранбаатар орсон юм.
Мөн өнөөдөр УИХ-ын ээлжит бус чуулган болно. Түүний өмнө УИХ-ын гишүүн Д.Хаянхярваа “Бид одоо боллоо, Засгаас гарлаа гэх юм уу. Юу гэж тийм юм байхав дээ” хэмээх ярилцлага нийтлэгдсэн. Түүнчлэн “Гурилын үнэ нэмэгдчихлээ, талх “аврагдах”-аас өнгөрөв бололтой” хэмээх эрэн сурвалжлах баримт, үзэл бодол буланд нийтлэгдсэнийг долдугаар нүүрээс уншаарай. Мөн “Бөх тэх гэх нөхдүүд монгол үндэстнийг мөхөөх бодлогыг явуулж эхэллээ” хэмээх нийтлэл гуравдугаар нүүрт хэвлэгдсэн.
Түүнчлэн Монголын худалдаа аж үйлдвэрийн танхимын ерөнхийлөгч Б.Лхагважавын “Эдийн засгийн ил тодын хууль хэрэгжвэл авлига өгөх хүн байхгүй болно” хэмээх ярилцлагыг тавдугаар нүүрээс сонирхоорой. Мөн “Ц.Баттөр: Чикагод дуулахад гадныхан дуучны карьераа битгий орхиорой гэцгээж байна лээ” ярилцлага уран бүтээлч буланд нийтлэгдсэн байна. Энэ мэтчилэн “Спорт”, “Уул уурхай” хэмээх нүүрнүүдэд сонирхолтой материалууд хэвлэгдлээ.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ