“Өдрийн сонин”-ы П.Энхжаргал Алтан гадас одонгоор шагнууллаа

Монгол Улсын Ерөнхийлөгчийн зарлигаар “Өдрийн сонин”-ы нягтлан бодогч П.Энхжаргалыг Алтан гадас одонгоор шагналаа. П.Энхжаргал нь 1997 онд тухайн үеийн төрийн төв хэвлэл болох “Ардын эрх” сонины идэвхтэн бичигчээс ажлын гараагаа эхэлжээ. Тэрээр 2000 оноос өнөөдрийг хүртэл “Өдрийн сонин”-д сэтгүүлчээс эхлэн реклам зар сурталчилгааны алба болон санхүүгийн албанд 24 жил үр бүтээлтэй ажиллаж байна. П.Энхжаргал хэвлэл мэдээллийн салбарын шилдэг мэргэшсэн ажилтан төдийгүй хүлээн зөвшөөрөгдсөн чадварлаг зохион байгуулагч, боловсон хүчин юм. П.Энхжаргалын хэвлэл мэдээллийн салбарт ажилласан 24 жилийн хөдөлмөрийг үнэлж, Монгол Улсын Ерөнхийлөгчийн зарлигаар төрийн дээд шагнал болох “Алтан гадас” одонгоор шагнажээ.