“Өдрийн сонин”-ы пүрэв гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Олон улсын хүүхдийн эрхийг хамгаалах өдрөөр хаана хаана ямар үйл ажиллагаа зохион байгуулагдсан, нийслэлчүүд үр хүүхдүүдээ хэрхэн баярлуулсан талаар сурвалжилсан “Өдрийн сурвалжлага”-ыг нэг болон долдугаар нүүрнээс уншиж сонирхоорой.
Улс төрийн хоёр, тавдугаар нүүрнээс УИХ-ын гишүүн Р.Амаржаргалтай хийсэн ярилцлага, УИХ-ын дарга З.Энхболд Япон улсад ажлын айлчлал хийх тухай мөн тэтгэвэр тэтгэмжийг нэмэх Засгийн газрын шийдвэр зэрэг цаг үеийн мэдээ мэдээллүүдийг уншаарай.
“Өдрийн сонин”-ы нийтлэлийн бодлогыг тодорхойлдог гуравдугаар нүүрт Төрийн шагналт зохиолч, нэрт нийтлэлч Б.Цэнддоогийн “Муухай гоё” нийтлэл хэвлэгдэн уншигчдадаа хүрч байна.
Дэлхий дахинд болж буй үйл явдлын мэдээ мэдээллийг уншигчдадаа хүргэдэг есдүгээр нүүрэнд “Их долоо”-гийн уулзалтын талаар нийтэллээ.
Эдийн засгийн 11 дүгээр нүүрэнд нүүрэнд нэгэн сонирхолтой нийтлэл хэвлэгдлээ. Тодруулбал, хамгийн хөнгөн металл гэгдэх литигийн хайгуулын төсөл дэлхийн хөрөнгийн зах зээлд хүч түрэн орж иржээ. Манай улсад ч хэд хэдэн төсөл эхэн шатандаа яваа юм байна.
Шилдэг хөгжимчнөөр шалгарч “Мөнгөн мод” цом хүртсэн Х.Санчиртай хийсэн ярилцлагыг 12 дугаар нүүрнээс унших боломжтой. Тэрээр НҮБ-ын Ерөнхий Ассамблейн ээлжит чуулганд зориулан зохион байгуулсан олон улсын залуучуудын оркестрт эх орноо төлөөлөн оролцож Нью-Йорк хотноо долоон тоглолтод оролцоод иржээ. Мөн энэ нүүрнээс монгол сумочдын алтан хараацай гэгддэг Кёкүтэнхо Н.Цэвэгнямын зодог тайлах ёслолыг “Өдрийн сонин”-ы Япон дахь сурвалжлагч сурвалжилсан тэмдэглэлийг уншиж сонирхоорой.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ