“Өдрийн сонин”-ы даваа гаригийн дугаар хэвлэгдэн, захиалагчдадаа хүрлээ. Энэ оны эхний дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
“Өдрийн сонин”-ы “Танайд өнжье” уламжлалт буландаа Эх, хүүхдийн эрүүл мэндийн үндэсний төвд өнжсөн тэмдэглэлээ хүргэж байна. Он гарснаас хойших өдрүүдэд тус эмнэлэг хэдэн хүүхэд өлгийдсөн талаарх гэгээлэг сурвалжлагын дэлгэрэнгүйг XII, XIII нүүрнээс уншаарай.
Мөн энэ өдрийн дугаарт УИХ-ын дарга З.Энхболдын томоохон ярилцлага гарлаа. Монгол Улсын их хурлын дарга, Ардчилсан намын дарга З.Энхболдын “УИХ ипотекийн найман хувийн зээлийн асуудлыг энэ сардаа шийдвэрлэнэ” хэмээх гарчигтай сонирхолтой ярилцлагыг нэг, IV, V, VI нүүрнээс унших боломжтой. Мөн энэ онд Монгол Улсын эдийн засгийн төлөвийн талаарх тоймыг нийтэлжээ. Тус тойм XI нүүрт хэвлэгдэв.
“Өдрийн сонин”-ы нийтлэлийн бодлогыг тодорхойлж байдаг, нийгмийн нэгэн залуур чиг болж байдаг Баримт, үзэл бодлын гуравдугаар нүүрт нийтлэлч Н.Гантулгын “Монголчууд бид эв эеэ хичээж, өөрсдөдөө итгэх цаг иржээ” нийтлэл хэвлэгдлээ. Шинэ гарсан 2016 он монголчуудын хувьд улс төрийн сонголт хийсэн, эдийн засгийн томоохон асуудлуудаа шийдэх онцгой чухал жил байж таарах нь. Тиймээс нийт монголчуудад эдгээр чухал асуудлуудаа зөв шийдэхийн тулд эв эетэй байх нь хамгийн чухал гэдгийг дээрх нийтлэлд өгүүлсэн юм.
Баримт, үйл явдал нүүрэнд “Х.Баттулга, А.Гансүх нарыг сэжигтнээр татаж, таслан сэргийлэх арга хэмжээ авчээ” гэх мэдээлэл гарсан ба он гарах мөчид гарсан гэмт хэргийн талаарх мэдээллүүдийг уншаарай.
“Сонгодог урлаг” нүүрт Ардын зураач Дагдангийн Амгалангийн “Өлгий нутгийн минь өглөө” цуврал зургийн нэг хэсэг “Ээж ээ сайн байна уу” зургийг онцолжээ. Та бүхэн энэ буланг XVI нүүрнээс унших боломжтой.
“Дэвжээ” нүүрт Монгол Улсын Ерөнхийлөгчийн нэрэмжит чансаа өндөр 128 бөхийн барилдааны түрүү Монгол Улсын харцага Б.Пүрэвсайхантай хийсэн ярилцлага хэвлэгдсэн байна. Харин “Соёл урлаг” нүүрт О.Чинбатын “ЮНЕСКО-гийн тайзнаа хөгжимдөхийн зэрэгцээ хөөмийлсөн нь үзэгчдэд их таалагдсан” ярилцлага нийтлэгдлээ.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ