УБТЗ-ын Төв эмнэлэгт хөлийн эрхий хурууны халгус валгусын хагалгааг хийж эхэллээ.
Халгус валгус /Hallux valgus/ буюу ихэвчлэн бунион гэж нэрлэгддэг эмгэг нь хөлийн эрхий хуруу болон чигчий хуруунд үүсдэг хамгийн түгээмэл эмгэгүүдийн нэг юм.
Хурууны 1, 2-р үеэр хэлбэр нь алдагдаж дотогш эргэлттэй шахагдан 3-р шивнүүр гадагш түлхэгдсэнээр тэнхлэг гадагш валгус хэлбэрт ордог. Ингэснээр тухайн хэсэгт гадагш товойж харагдах бөгөөд улайлт үрэвсэл үүсч эрхий хуруугаар хөдөлгөөн хийхэд эмзэглэж хөдөлгөөн нь хязгаарлагддаг байна.
Эмчилгээний үндсэн арга нь мэс заслын эмчилгээ бөгөөд мэс заслын эмчилгээнээс өмнө мэсийн бус эмчилгээ хийж болох боловч энэ нь анатомийн деформацийг засахгүй зовиур шинж тэмдгийг намдаахад чиглэгдсэн байдаг.