Оны өмнөхөн “Улаанбаатар төмөр зам” хувь нийлүүлсэн нийгэмлэгийн даргаар сонгогдсон Л.Пүрэвбаатарын тансаглалыг олны өмнө дэлгэжээ. Л.Пүрэвбаатар нь өмнө нь УБТЗ-ын орлогч даргын албан тушаалыг хашдаг байсан юм. Мөн Монголын Төмөр замын инженерүүдийн холбооны тэргүүнээр ажилладаг байв.Харин “Улаанбаатар төмөр зам”-ын дарга болонгуутаа Л.Пүрэвбаатар хэтэрхий үрэлгэн гэдгээ харууллаа. Эдийн засгийн хэмнэлтийн энэ цаг үед манай улс Төрийн тэргүүнээсээ эхлэн дээрээс бүсээ чангалж байхад гүйцэтгэх албан тушаалтнуудын тансаглал ийн хэрээс хэтэрчээ.
Л.Пүрэвбаатар 200 саяар “Lexus 570” худалдан авч, 1,5 тэрбумаар орон сууц худалдан авч өгсөн талаарх баримт дэлгэгдлээ. Энэхүү тансаглал нь тус нийгэмлэгийн хөрөнгө оруулалтын төлөвлөгөөнд тусгагдаагүйгээс гадна эрх бүхий байгууллагын зөвшөөрөлгүй байсныг ТӨХ-ны албан тоотод дурджээ.