Монгол Улс Бүгд Найрамдах Турк
Улсын хооронд дипломат харилцаа тогтоосны 45 жилийн ой энэ онд тохиож байгаа. Ойн
хүрээнд ямар арга хэмжээ зохион байгуулах болсон талаараа өчигдөр Туркийн Элчин
сайдын яамнаас мэдээллээ. Турк Улсаас Монгол Улсад суугаа Онц бөгөөд Бүрэн эрхт
Элчин сайд М.Карагөзийн өгсөн мэдээллээр ойн хүрээнд олон төрлийн соёлын арга хэмжээ
зохион явуулахаар болжээ. Тухайлбал, энэ
сарын 17-23-нд Туркийн соёлын өдрүүдийг Улаанбаатар хотод хийхээр болсон байна.
Энэ үеэр турк үндэсний хоолыг танилцуулж,
мөн Английн хатан хааны хувцсыг урладаг Туркийн нэрт загвар зохион бүтээгч
Сэрап Поллардын “Serap Pollard London” загварын
шоуг зохион байгуулах гэнэ. Мөн Туркийн “Монголчууд” хэмээх нэртэй рок хамтлагийн
тоглолтыг хийхээр төлөвлөжээ.
Л.ГҮНДСАМБУУ