Хоёрдугаар сард Турк улсын инфляц сүүлийн 20 жилийн дээд түвшинд хүрлээ. Тус улсын инфляц хоёрдугаар сард 54.4 хувь хүрсэн байна.
Харин өмнөх сард 48.7 хувь хүрээд байсан юм. Үүний дараа тус улсын үндэсний валют болох лирагийн ханш үргэлжлэн суларч эхэллээ. Турк улсын инфляц эрчимжихэд хоол хүнс, эрчим хүчний үнийн өсөлт голчлон нөлөөлжээ. Цаашид ч өсөх төлөвтэй байна гэж шинжээчид тооцоолж байна. Тухайлбал: тус улсын инфляц III улиралд 60 хувьд хүрэх, цаашлаад 2022 оны эцэс гэхэд 45 хувь болж саарах төлөвтэй байна гэж дүгнэжээ.
