Сүхбаатарын талбайн зүүн талд байрлах Централ таурын байранд тэсрэх бөмбөг байрлуулсан тухай мэдээлэл холбогдох байгууллагад иржээ .Энэхүү мэдээллийн мөрөөр цагдаа тагнуулын байгууллагын мөрдөгчид тус байранд үзлэг шалгалтын ажиллагааг явуулж байна.
Эх сурвалжийн өгсөн мэдээллээр “Централ таур”-ын 15 давхарт Канадын консулын газар байрладаг аж. Сэжигтэн этгээд Дани улсын иргэн бөгөөд консултай нь уулзах гэсэн боловч оруулаагүй тул тэсрэх бөмбөг тавьж дэлбэлнэ хэмээн заналхийлсэнбайна.
Тиймээс хамгаалагчид нь цагдаагийн байгууллагад гомдол гаргажээ. Одоо хэргийн газрын үзлэг, шалгалтын ажиллагаа явагдаж байна.
Цагдаагийн алба хаагчид тэсэрч дэлбэрэх бодис болон галт зэвсэг байхгүй гэж мэдээлсэн боловч дөнгөж сая Яаралтай түргэн тусламжийн машин болон Онцгой байдлын “Тэсрэх аюултай” гэсэн бичиг бүхий албаны машин ирээд байгаа талаар манай сэтгүүлч мэдээллээ.
Түүнчлэн үнэрч хоёр нохой дагуулсан цагдаагийн зургаан алба хаагч нэмэлтээр иржээ.
Яг одоо “Централ Таур”-ын гадна дотор ажиллаж, үйлчлүүлж байсан иргэд гудамжинд зогсч байгаа ба 200 метрт онц байдал зарлаад байгаа аж.