Хууль сахиулахын их сургуулиас жил бүр цагдаагийн алба хаагчдын залгамж халааг бэлтгэн, боловсон хүчнээр хангах, хамтран ажиллах олон талт үйл ажиллагааг зохион байгуулж ирсэн.
Цагдаагийн байгууллагад ажиллах боловсон хүчнийг бэлтгэх сургалтад практикт ашиглаж байгаа тусгай хэрэгсэл, тоног төхөөрөмж хэрэглэж сургах, дадлагажуулах зорилгоор зарим эд зүйлсийг бэлэглэсэн юм.
Энэхүү үйл ажиллагаанд Цагдаагийн ерөнхий газрын Санхүү аж ахуйн албаны дарга, цагдаагийн хурандаа Ж.Эрдэнэболд, Хууль сахиулахын их сургуулийн захирал, цагдаагийн хурандаа Ө.Энхтөр болон албаны бусад хүмүүс алба хаагчид сонсогчдын төлөөлөл оролцлоо
