Чингэлтэй дүүргийн III хороо Засгийн газрын 11 дүгээр байрны хоёрдугаар давхарт гал гарч, дуудлагын дагуу Гал түймэр унтраах, аврах 10 дугаар ангийн бүрэлдэхүүн очиж, хоёрдугаар давхарын узелийн өрөөнд эд хогшил шатаж байсныг унтраасан талаар бид өмнө мэдээлсэн..
Шинжээчдийн дүгнэлтээр галын осол цахилгааны залгуур утаснаас богино холболт үүссэн саатлын улмаас гарсан нь тогтоогджээ. Галын гарах үеэр аврах ангийн алба хаагчид тус барилгад байрлах 35 байгууллагын 200 орчим хүн байсныг угаартахаас урьдчилан сэргийлж, утаажилтын бүсээс гаргаж ажилласан байна.