Өнгөрсөн нэгдүгээр сарын 4-нд Улсын заан Ц.Баярсайханд холбогдох хэргийг шүүх хурал Баянзүрх, Чингэлтэй, Сүхбаатар дүүргийн анхан шатны шүүхэд болж, түүнд чанга дэглэмтэй хорих ангид 11 жил хоригдох ял оноосон билээ. Мөн Ц.Баярсайханыг Эрүүгийн хуулийн 148.4-өөр хэрэг үүсгэн шалгасан бөгөөд бусдын эд хөрөнгийг хууран мэхлэх замаар залилсан хэмээн буруутгаж, хоёр сая төгрөгийг хураан авах шийдвэр гаргасан юм.
Энэхүү шүүхийн шийдвэрийг эсэргүүцэн тэрээр давж заалдах гомдол гаргасан. Өчигдөр болсон давж заалдах шатны шүүх хуралдаанаас Ц.Баярсайханд холбогдох хэргийг дахин хэлэлцүүлэх шаардлагатай гэж үзэн анхан шатны шүүх рүү буцаажээ.