АНУ-ын Лонг-Бийч хотод энэ сарын 01,02-ны өдрүүдэд зохион байгуулагдсан Жюү-жицү бөхийн ахмад мастеруудын дэлхийн аварга шалгаруулах тэмцээн зохиогдсон байна. Тус тэмцээний +100 кг-ын жинд барилдаж аваргын алтан медаль хүртсэн ОБЕГ-ын “Аврагч” биеийн тамир, спорт хорооны дарга, онцгой байдлын хурандаа, Монгол улсын заан Ц.Баярсайханыг ОБЕГ-ын дарга, онцгой байдлын хурандаа Т.Дуламдорж болон даргын зөвлөлийн гишүүд хүлээн авч уулзан баяр хүргэсэн байна.
Монголын баг тамирчид уг тэмцэээд долоон хүний бүрэлдэхүүнтэй оролцож, алт, хүрэл медаль хүртжээ. Харин Монгол улсын заан Ц.Баярсайханы хувьд тэмцээний эхний өдөр тэрээр цэнхэр бүсийн “В-5″ 50-55 насны ангиллын +100 кг-ын жинд барилдаж алтан медаль хүртсэн аж. Мөн тэрээр Япон улсын Нагаёо хотод болсон Жюү-жицү бөхийн ахмад мастеруудын азийн аварга шалгаруулах нээлттэй тэмцээний +100 кг, үнэмлэхүй жинд барилдаж, алтан медаль хүртсэн байна.