Тайланд улсын Чиан Май хотод зохион байгуулагдсан бага, дунд ангийн олон улсын математикийн олимпиадад манай улсын хүүхдүүд амжилттай оролцоод ирлээ. Нийтдээ гурван алт, хоёр мөнгө, зургаан хүрэл медаль, таван тусгай байрын шагнал эх орондоо авчирсан байна.
Энэхүү олимпиадад дэлхийн 35 орны 600 орчим сурагч оролцжээ. Шагнал авсан сурагчдыг танилцуулбал дунд ангийн төрөлд Сант сургуулийн есдүгээр ангийн сурагч Ц.Ганхөлөг алтан медаль, нэгдүгээр сургуулийн долдугаар ангийн сурагч М.Өнөболд алтан медаль хүртсэн бол бага ангийн төрөлд Сант сургуулийн зургаадугаар ангийн сурагч Я.Түвшинсанаа алтан медаль хүртжээ.
О.ӨНӨР