Засгийн газрын хуралдааны шийдвэрийг танилцууллаа.
ХНХ-ын сайд Х.Булгантуяа “Нийгмийн даатгалын сангаас олгож байгаа болон Цэргийн албан хаагчийн тэтгэврийн хэмжээг дөрөвдүгээр сарын 1-нээс эхлэн 100 мянган төгрөгөөр нэмэгдүүлэхээр шийдвэрлэлээ. Ингэснээр 499.2 мянган тэтгэвэр авагч хамрагдана. Энэ нэмэгдэлд 449.3 тэрбум төгрөг зарцуулж, дундаж тэтгэврийн хэмжээ өнөөдөр 685.6 мянга байгаа бол нэмэгдсэнээр 785.6 мянган төгрөг болно. Мөн хувь тэнцүүлсэн тэтгэврийн доод хэмжээ 440 мянгаас 100 мянган төгрөгөөр нэмэгдэнэ. ХБИ-ийн нэн чухал байнгын асаргааны тэтгэмж гэж байдаг. Байнгын асаргаа үзүүлж байгаа гэр бүлийн хүнд нь олгодог тэтгэмж 2023 оны 7-р сард нэмэгдэж, 275 мянган төгрөг болсныг мөн 10 хувиар нэмэгдүүлэх шийдвэрийг Засгийн газрын хуралдаанаас гаргалаа” гэв.