Монголд анх удаа Тэргэнцэртэй Сагсан Бөмбөгийн үндэсний шигшээ баг болон Холбоо байгуулагдлаа. Ингэснээр тэд цаашид Тив, Дэлхийн аварга шалгаруулах тэмцээнүүд болоод олон улсын тэмцээнүүдэд оролцох үүд хаалга нээгдэж байна.
Монголын тэргэнцэртэй сагсчид өнөөдрөөс эхлэн бэлтгэлдээ гарч байгаа бөгөөд энэ ажлыг МҮСБХ болон Монголын Паралимпийн хороо хамтран эхлүүлж байгаа юм. Энэ тухай Паралимпийн хорооны дэд ерөнхийлөгч Д.Сүрэнхорлоо болон МҮСБХ-ны ерөнхий нарийн бичгийн дарга С.Тулга, Тэргэнцэртэй Сагсан Бөмбөгийн Холбооны ЕНБД Н.Нямдорж нар өнөөдөр албан ёсны мэдээлэл өглөө.
Мөн уг үйл явдал манай улсад сагсан бөмбөгийн спорт Үндэсний хэмжээнд, бүхий л түвшинд хөгжих боломжтой болж байгааг харуулж байгаа юм.