Технологийн салбар дахь эмэгтэйчүүдийн хамгийн том уулзалт “WOMEN IN TECH 2022” арга хэмжээ дөрөв дэх жилдээ 2022 оны 3 дугаар сарын 8-нд Тусгаар Тогтнолын Ордонд зохион байгуулагдах гэж байна.
Монгол дахь технологийн салбарт манлайлж буй эмэгтэйчүүд болон технологийн салбарт дурлагч залуу охид бүсгүйчүүдээ нэгтгэж, хоорондоо танилцах, мэдлэг туршлагаа солилцох, салбарын хөгжлөө ярилцах, шинэ бүтээгдэхүүн үйлчилгээгээ танилцуулах боломжийг олгоно.
Уг үйл ажиллагаанд 500 гаруй үзэгч, 100 гаруй байгууллагууд оролцож 11 илтгэгч дата, мэдээллийн аюулгүй байдал, дата менежмент, мэдээллийн технологийн аудит, эмэгтэйчүүдийн оролцоо, фентек түүчээлэгчид, бизнес хоорондын харилцаа, боловсролын салбарын ирээдүй сэдвээр илтгэл тавина.
Тус эвентэд оролцох зарим илтгэгчид:
- Б.Тамир, Айтүүлс ХК, Гүйцэтгэх захирал
- О.Энхжин, TomYo EdTech Гүйцэтгэх захирал
- Т.Аягүль, CallPro, Гүйцэтгэх захирал
- Б.Манд, Б.Ариунсанаа – Hello Baby App үүсгэн байгуулагчид
Үйл ажиллагааг санаачлагч “Эмпасофт” ХХК-ийн гүйцэтгэх захирал Н.Энхсайхан:
– Энэ жилийн үйл ажиллагааг маань “Рио Тинто” ивээн тэтгэж байгаа ба олон оролцогчтой гэдгээрээ онцлог байна. Уг эвентэд ирснээр технологи хэрхэн хөгжиж, чиг хандлага хаашаа яваад байгааг мэдэж авна. Мөн энэ салбарт ямар боломжууд байгааг мэдэж, бие биетэйгээ танилцах, ажилд орох, кареераа өсгөх боломжтой ба старт ап бизнес эхлэх сонирхолтой хүмүүст манай спикерүүд туслах юм.