Интернет худалдааны “Alibaba Group Holding Ltd”-г үндэслэгч Жэк Ма бол яах аргагүй технологийн салбараас төрсөн тэрбумтны нэг юм. Тэрээр тэгээс тэрбумтан болтлоо бүгдийг өөрийн гараар босгосон бөгөөд өөрийнх нь 22 тэрбум ам.долларын хөрөнгө нь түүнийг хятадын төдийгүй дэлхийн баян хүмүүсийн нэг болгосон. Alibaba-гийн гаргасан IPO $25 тэрбум ам.долларыг 24 цагийн дотор босгон бизнесийн ертөнцийг шуугиулан түүхэн дэх хамгийн аварга IPO-гоор бичигдэн үлдсэн.
Тэрээр саяхан болж өнгөрсөн Давосын дэлхийн эдийн засгийн чуулганы үер өөрийн бизнесийн түүхийгярихдаа “Манай сайт уруу өдөрт 100 сая хэрэглэгч хандан худалдан авалт хийж байна. Өнгөрсөн хугацаанд Alibaba шууд болон дамаар 40 сая гаруй ажлын байр бий болгосон.“ гэж хэлсэн билээ.Иймээс энэ хүний сургааль үг манай залууст яах аргагүй тэрбумтан болох сургууль болох нь дамжиггүй. Тэрээр “Олон ч хүн надад E-bay илүү, Google илүү дээр гэсэн урам хугармаар зүйлсийг хэлж байсан. Гэхдээ бид тэдний бодлоос хамаагүй сайн байсан л даа. Харалдаа өнөөдөр бид хэчнээн том болсон байгааг.”, “Хүмүүс нүүр тулан шууд харилцахыг илүүд үздэг тул чи итгэлцлийг бий болгох хэрэгтэй. Онлайн бизнес явуулахад итгэлцэл хэрэгтэй. Онлайн худалдааны хамгийн чухал зүйл бол итгэлцэл байдаг.”, “Хэрвээ чи хийж эхлэхгүй бол тэр зүйл чинь бүтэшгүй хэвээрээ л байсаар байна. Хэрвээ чи хийж эхэлвэл ядаж чамд итгэл найдвар төрнө.”, “Хийж буй зүйлдээ итгэ. Хүмүүст таалагдаж байгаа эсэхийг үл тоон хийж буй ажилдаа л дурла.”гэж бидэнд сургажээ.
Г.АМАРСАНАА
