Хувь хүний орлогын албан татварын хөнгөлөлт, чөлөөлөлт эдэлж, татварын буцаан олголт авч байгаа иргэд дансанд нь хэзээ мөнгө орох талаар хүлээлттэй байна. Татварын ерөнхий газраас өгсөн мэдээллээр эхний ээлжийн буюу нэгдүгээр сарын 25-наас өмнө хөнгөлөлт, чөлөөлөлтийн материалаа хүлээлгэн өгсөн татвар төлөгчдийн буцаан олголт ирэх дөрөвдүгээр сарын сүүлээр дансанд орох юм байна. Харин хоёрдугаар ээлжинд буюу нэгдүгээр сарын 25-наас хоёрдугаар сарын 15-ны хооронд материалаа бүрдүүлж өгсөн иргэдийнх үүний дараа шийдэгдэнэ.