Монгол Улсын Ерөнхийлөгч, Зэвсэгт хүчний ерөнхий командлагч Ц.Элбэгдорж Батлан хамгаалах болон Зэвсэгт хүчинтэй холбоотой багц хуулийг Батлан хамгаалах яаманд гардуулах ёслолын үеэр ЗХЖШ-ын дарга, хошууч генерал Д.Даваа болон БХЯ-ны төрийн нарийн бичгийн дарга Б.Батсайхан нар сүрхий муудалцсан юм байх.
Тэд сүүлийн үед таарамж муутай байгаа гэнэ. Турк улсаас манай улсын батлан хамгаалах салбарт буцалтгүй тусламж болгон ирүүлсэн есөн тэрбум төгрөгийн өртөг бүхий нүүдлийн тайз, чулуу буталдаг бутлуур зэрэг нь ЗХ-нд үхмэл хөрөнгө болж байгаагаас улбаатай аж.
Үнэндээ өнгөрсөн хаврын цэрэг таталтаар төмөр зам тавихад оролцуулахаар татсан хугацаат цэргийн албан хаагчид нь орон байргүй, өвлийн хангалтгүй тэвдэж байхад жилдээ ганц нэг засах тайзад есөн тэрбум зарцуулна гэдэг байж боломгүй зүйл байлтай. Тиймээс үүнд дургүйцсэн Даваа генералын зөв ч байж мэднэ.