Cүхбаатарын
талбай дээрх номын баяр өнөөдөр ч үргэлжилж байна. Энэхүү баярт хамгийн сонин
содон номын нэг нь 180 метр торгон дээр урласан “Монголын нууц товчоо” байсан
юм. Т.Сумъяа Нууц товчооны 12 бүлгийн гарчиг бүрийг зүү ороох аргаар урласан нь
гайхамшигтай байлаа. Харин номын текстийг нь хонин холбоогоор оёжээ. Энэхүү
номонд 20 гаруй уран зураг, 40 гаруй зээгт наамлан зураг орсон байна. Энэхүү
урлагийн бүтээлээ тэрбээр охин Э.Гуамарал болон түүний найз Д.Хэрлэн нартай
хамтран оёжээ. Хоёр жилийн хугацаанд өдөрт 14-16 цаг тасралтгүй сууж, оёж
дуусгасан байна.
