Үнэртэй усанд дурлагсдын өдөр тун удахгүй болох нь ээ. Үнэртэй ус цуглуулагч Н.Орчлон 2013 онд хоббигоо бусадтай хуваалцах зорилгоор фейсбүүк групп байгуулжээ. Мэдээж хүн бүр үнэртэй ус сонгох мэдрэмж өөр өөр шүү дээ. Тийм ч учраас тус групп нэг жилийн хугацаанд 10 мянган гишүүнтэй болж чадсан аж. Үнэртэй усанд дурлагсдын группын гишүүд хамтран эл өдөрлөгийг “Blue moon” арт галерейд арваннэгдүгээр сарын 7-нд 19.00 цагт зохион байгуулах юм байна.
“Сүрчигний өдөр” гэх өдөрлөгийн үеэр үнэртэй ус сонирхогчид хүссэн сүрчигээ худалдан авах боломжтой бөгөөд одоогийн байдлаар үнэ нь тодорхойгүй байгаа аж. Уг өдөрлөгт оролцох хүсэлтэй үнэртэй усанд дурлагсдад анхааруулахад уг өдөрлөгийн тасалбар 10 мянган төгрөг гэнэ.
Сонирхуулахад уг өдөрлөгийн үеэр “Наран” их дэлгүүрийн хамт олон өөрсдийн үнэртэй уснуудаа танилцуулах бөгөөд урамшуулалтай худалдаагаа хүрэлцэн ирсэн зочдын дунд зохион байгуулах аж.
Э.ТЭКҮ
