Хаврын хуурайшилтын
улмаас гал түймрийн дуудлага буурахгүй байгаа аж. Өнгөрсөн 5-ны өдөр л гэхэд Хан-Уул
дүүргийн II хорооны нутагт, Богдхан уулын Соёмботой уулын өвөр талын хэсэг талбайг
хамарсан түймэр гарсан билээ. Түймрийг Аврах гал унтраах 14 дүгээр ангийн тасаг
шуурхай ажилласны дүнд унтраасан. Нийтдээ 3,5 га орчим газар галд автсан байна.
Гал гарсан шалтгаан, хохирлын хэмжээг холбогдох мэргэжлийн байгууллагууд өчигдөр
шалгажээ. Шалгалтын явцад эл түймэр гадны нөлөөтэй болох нь тогтоогдсон аж. Одоо
эрүүгийн хэрэг үүсгэн шалгаж байгаа талаар албаныхан мэдээллээ.
Түүнчлэн өнгөрсөн долоо хоногт обьектын гал түймрийн нийт 22 дуудлага ирсэн байна.