БНСУ-д гэрээгээр ажиллах хүсэлтэй иргэдийн дунд болдог солонгос хэлний төвшин тогтоох шалгалт өнөөдөр, маргааш болж байна. Энэ жил 10 мянга гаруй иргэн солонгос хэлний төвшин тогтоох шалгалтад хамрагдахаар бүртгүүлжээ. Шалгалтыг 2, 12, 44, 75, 96 болон Үйлдвэр Урлалын политехник коллеж дээр авч байгаа аж.
Нийт шалгуулагчдыг оноогоор жагсааж, тодорхой заасан тоонд багтсан иргэд БНСУ-д ажиллах эхний эрх нээгдэх юм байна.
Монгол Улсын Хөдөлмөрийн яам, БНСУ-ын хөдөлмөр эрхлэлт, хөдөлмөрийн яам хооронд байгуулсан “Хөдөлмөр эрхлэх зөвшөөрөл олгох тогтолцооны дагуу БНСУ-д ажилчид илгээх тухай” Харилцан ойлголцлын санамж бичгийн хүрээнд БНСУ-д хөдөлмөрийн гэрээгээр ажиллах хүсэлтэй иргэдээс авдаг Солонгос хэлний түвшин тогтоох 12 дахь удаагийн шалгалт энэ жил болж байна.