Австралийн Засгийн газар цар тахлын эсрэг хатуу арга хэмжээ авч байна. Тус улсын Сидней хотод халдварын тоо өсжээ. Иймд ирэх долоо хоногт олон үйл ажиллагааг хаан хязгаарлана. Үүний тулд олон зуун цэргүүдийг дайчлах болжээ.
Зургадугаар сараас хойш Сиднейд ковид-19-ийн дельта хувилбарын 3000 тохиолдлыг бүртгэж, есөн хүн нас баржээ. Даваа гарагаас тус хотод хатуу хөл хорио тогтооно.
Хөл хорио наймдугаар сарын 28 хүртэл үргэлжилнэ. Энэ хугацаанд иргэд үндсэн хэрэгцээт зүйлсээ худалдаж авах, бусдыгаа эргэх, дасгал хийх тохиолдолд л гэрээс гарч болно. Мөн гэрээсээ 10 км-ын зайд л явах эрхтэй. Иргэд эдгээр дүрмийг мөрдөж буй эсэхэд зэвсэггүй цэргүүд хяналт тавина.
Сидней Австралийн хамгийн том хот бөгөөд баасан гарагт 170 тохиолдол бүртгэжээ.