Монголын Үндэсний Шигшээ баг болон 23 хүртэлх насны шигшээ багийн хамтаар ОУХБХ-ны албан ёсны өдрүүдээр (FIFA days) эхний бэлтгэлээ өчигдөр Төв аймгийн Сэргэлэн суманд байрлах Монголын Хөлбөмбөгийн Холбооны бэлтгэлийн төвд хийлээ.
Япон мэргэжилтэн Шүичи Масэ дасгалжуулагчийн Монгол улсад хийж буй түүний анхны бэлтгэл нь байлаа. Түүний хувьд дасгалжуулагчдын багийн хамтаар “Hisense Үндэсний Дээд Лиг”-ийн эхний хагасын тоглолтуудыг үзсэний дараагаар шигшээ багт нийт 36 тамирчин дуудагдсанаас 8 тамирчнаас бусад нь 23 наснаас доош насны тамирчид байгаа нь аравдугаар сард Улаанбаатар хотноо явагдах АХБХ-ны 23 хүртэлх насны Азийн цомын урьдчилсан шатанд өрсөлдөх тамирчид байгаа билээ.
НЭГ БАГ – НЭГ ЗОРИЛГО
