“Эрүүл шүд-Эрүүл хүүхэд” үндэсний хөтөлбөрийн хүрээнд Баян-Өлгий аймгийн Сандитис, Хосхүү дент, Маржан, Акмеруерт тис, Азутис гэсэн 5 эмнэлэг Эрүүл мэндийн даатгалын ерөнхий газартай гэрээ байгуулж ажиллахаар болсон. Тус аймгийн Мэргэжлийн хяналтын газраас эдгээр шүдний эмнэлгүүдэд төлөвлөгөөт бус зөвлөн туслах үйлчилгээ үзүүлж, шүдний тусламж үйлчилгээнд хэрэглэх нэг удаагийн болон давтан хэрэглэх багажийн тоог нэмэгдүүлж, нөөцийг бүрдүүлэх, ариутгал халдваргүйтгэлийн чанарт тогтмол хяналт тавьж, халдвар хамгааллын дэглэмийг чанд баримтлан эмнэлгийн тусламж үйлчилгээтэй холбоотой халдвар гаргахгүй байх талаар 16 заалт бүхий улсын байцаагчийн зөвлөмж хүргүүлэв.