2014 онд Өмнөд Солонгосын 300 гаруй сурагчид Севол хөлгөөр зорчиж яваад харамсалтайгаар амиа алдсан хэрэг гарч дэлхий нийтийг цочирдуулсан билээ. Тэгвэл өнөө өглөө 11:25 цагийн үед өчигдөрхөн уснаас бүрэн гаргасан Севол дотроос зургаан ширхэг 4-18 см хэмжээтэй хүний яс олжээ.
2014 оны аравдугаар сарын 29-ний өдөр эмэгтэйчүүдийн ариун цэврийн өрөөнөөс сүүлийн цогцсыг олсноос хойш 883 өдрийн дараа ийнхүү нотлох баримт олж байгаа нь энэ аж. Осол болсноос хойш 9 хүүхдийн цогцос олдоогүй бөгөөд ар гэрийнхэн нь хөлгийг усан дороос гаргаж ирэх үйл явцыг ширтэн горьдлого тээн харж байсан юм. Эдгээр ястай хамт хэд хэдэн хүний өмд гутал, газрын тосны үлдэгдэл илэрчээ. 2-3 долоон хоногийн дараа гений шинжилгээний хариу гарах бөгөөд эдгээр нь нэг хүний яс уу хэдэн хүний яс вэ гэдэг нь тодорхой болох аж.
О.ӨНӨР