“Өдрийн сонин”-ы лхагва
гаригийн дугаар 20 нүүрээр хэвлэгдэн уншигчдын гарт очлоо. Энэ удаагийн
дугаарын нэгдүгээр нүүрээс арванхоёрдугаар нүүрт “Наран мандах зүгт эх орны хил
тайван байна” гэсэн сэтгүүлчийн томилолт багтсан байна. Урин цагийн элгэн дээр
Монгол орны хил ямархан байгаа тухай нийтлэлийг уншаарай. Мөн нэгдүгээр нүүрээс
долдугаар нүүрт “Солонгосчууд наашаа кимчи, сөжүгээ зөөж байхад монголчууд тэнд
“Мах импекс”, “Сүү”-гийн бүтээгдэхүүний хэрэглэж чадахгүй байна гэсэн асуудал
дэвшүүлсэн нийтлэл багтлаа. Өнөөдөр харь оронд амьдарч буй монголчууд эх
орноосоо ааруул, ээзгий, борц тэргүүтнийг хил гаалиар нэвтрүүлэх гэж бөөн
асуудал болдог. БНСУ руу нууцаар нэвтрүүлж байгаад баригдвал есөн сая орчим
төгрөгийн торгууль төлдөг бол харин солонгосчууд манай оронд өөрсдийн дураар
хэрэглэх бүтээгдэхүүнүүдээ оруулж ирдэг. Уг нийтлэлээр хоёр орон харилцан тэгш
эрх эдлэх ёстойг хөндсөн юм.
Тэгвэл сүүлийн үед
манайхан сансар огторгуйг дурандах сонирхол их болсон. Сансар огторгуй, одон
орон хардаг сонирхогчийн дуран гурван сая төгрөгийн үнэтэй юм байна. Энэ тухай манай
сурвалжлагч сурвалжилсан байна. Эл сурвалжлагыг нэгдүгээр нүүрээс
арваннэгдүгээрт нүүрт нийтэлжээ.
Хоёрдугаар нүүрт улс
төрийн цаг үеийн мэдээллүүд багтсан бол “Баримт, үзэл бодол”-ын гуравдугаар
нүүрээс дөрөвдүгээр нүүрт нэрт нийтлэлч Баабартай сэтгүүлч Б.Ганчимэгийн
ярилцсан “Нэмж сүйтгэх юм байхгүй болсон байх аа” хэмээх сонирхолтой ярилцлага
багтлаа. Улс төрийн хоёроос тавдугаар нүүрт эдийн засгийн идэвхжлийг
нэмэгдүүлэх талаар УИХ-ын гишүүн С.Дэмбэрэлийн боловсруулсан санал хэвлэгдлээ.
Дэлхийн мэдээ уламжлал
ёсоор есдүгээр нүүрт багтсан бол арвангуравдугаар нүүрт “Удам судар” булан
багтсан бөгөөд Монгол Улсын Ерөнхий сайд асан П.Жасрай агсны зээ охин
Б.Ариунзаяа өвөөгийнхөө тухай ярьсан байна. Арвандолдугаар нүүрт цаг үеийн
мэдээлэл багтсан бол арваннаймдугаар нүүрт кино ертөнц хэвлэгдлээ.