МЗЭ-ийн шагналт, яруу найрагч А.Лхагвын “Сэтэрт тал” уран бүтээлийн цэнгүүн ирэх сарын 14-нд Монголын үйлдвэрчний эвлэлийн соёлын төв ордонд болно.
Цэнгүүнд Ардын жүжигчин А.Долгор, гавьяат жүжигчин Ц.Чулуунцэцэг, Д.Чулуунчимэг, Н.Чулуунхүү, Д.Ариунаа, Г.Цогтсайхан, дуучин Ц.Төрмандах, Г.Түмэн-Өлзий, Д.Үүрийнтуяа, А.Мөнхбат, Б.Мөнхжаргал, Д.Мөнхбаатар, Ц.Дэлгэрмаа, Д.Амарсайхан, Г.Солонго нар ая дуугаа өргөнө.
Мөн “Домог”, “Аура” хамтлаг, Өвөрмонголын нэрт дуучин Г.Улаансарнай, Мандалт, Урьхан нар зохиолчийн бүтээлээс дээжлэн хүргэх гэнэ.
Монгол Улсын ардын уран зохиолч, яруу найрагч П.Бадарч, Д.Цоодол, төрийн шагналт, зохиолч Д.Нямаа, соёлын гавьяат зүтгэлтэн Б.Догмид, Д.Төрбат, Ц.Хулан, “Болор цом”-ын эзэн, яруу найрагч А.Эрдэнэ-Очир нар шүлгээ унших бол гавьяат жүжигчин Г.Равдан, соёлын гавьяат жүжигчин Л.Жагдаг нар найрагчийн шүлгийг сонордуулах юм.