Сар шинийн цуврал барилдааны эхнийх болох “Хавдрын эсрэг үндэсний зөвлөл”-ийн нэрэмжит цолгүй залуу бөхчүүдийн барилдаанд 384 бөх зодоглолоо. Тус барилдаанд Завхан аймгийн Эрдэнэхайрхан сумын харьяат, улсын харцага М.Дармаабазарын хүү Нарантулга ес даван түрүүлж, Сэлэнгэ аймгийн Цагааннуур сумын харьяат, залуу бөх А.Баттүшиг үзүүрлэв.
Шөвгийн гуравт Увс аймгийн Зүүнговь сумын харьяат, залуу бөх Г.Хангарьд, шөвгийн тавд Өвөрхангай аймгийн Баруунбаян-Улаан сумын харьяат, залуу бөх Б.Цэнд, Архангай аймгийн Хайрхан сумын харьяат, залуу бөх Э.Доржпүрэв нар шалгарлаа.
Уран барилдааны шагналыг Ховд аймгийн Зэрэг сумын харьяат, залуу бөх Л.Мягмартүрүүд, уран гараа дэвээтэй бөхийн шагналыг Увс аймгийн Зүүнговь сумын харьяат, залуу бөх Г.Хангарьд нарт гардуулав.
Энэхүү барилдааныг Хавдрын үндэсний зөвлөл ТББ-ын ТУЗ-ын дарга Г.Сумхүү, гүйцэтгэх захирал Б.Цэцэгсайхан, “Аварга” дээд сургуулийн багш, гарвьяат тамирчин, улсын начин Б.Адъяахүү, “Аварга” дээд сургуулийн төгсөгч, улсын харцага Н.Батзаяа нар МҮБХ-той хамтран зохион байгууллаа.