“Улсын хамгаалалтын зэрэглэлд байх түүх, соёлын үл хөдлөх дурсгалын жагсаалт”-д өнөөдрийн Засгийн газрын ээлжит хуралдаанаар 12 дурсгал зэрэглэл ахин нэмэгдэж байгаа талаар Соёлын Яамнаас мэдээллээ.
Уг жагсаалтад 197 дурсгал бүртгэлтэй байдаг аж.
Эдгээр дурсгалуудыг холбогдох журмын дагуу эрдэмтэн судлаачид болон тухайн чиглэлээр үйл ажиллагаа явуулдаг есөн байгууллагаас саналыг авч, “Аймаг, нийслэлийн хамгаалалтын зэрэглэлд байх түүх, соёлын үл хөдлөх дурсгалын жагсаалт”-д орсон дурсгалаас нэр дэвшүүлсэн байна.
Үүнд:
| 1 | Архангай аймгийн Батцэнгэл сум | Шивэртийн амны цогцолбор дурсгал |
| 2 | Баян-Өлгий аймгийн Алтай сум | Тошингийн амны цогцолбор дурсгал; |
| 3 | Баян-Өлгий аймгийн Сагсай сум | Бага харгайтын хүн чулуун хөшөө |
| 4 | Говь-Алтай аймгийн Тайшир сум | Овооно харын Хүннүгийн язгууртны булш |
| 5 | Говь-Алтай аймгийн Чандмань сум | Шаахар толгойн хадны зураг |
| 6 | Завхан аймгийн Цагаанчулуут сум | Хяларын өвөлжөөний хадны зураг; |
| 7 | Сүхбаатар аймгийн Түвшинширээ сум | Донгойн ширээний цогцолбор дурсгал |
| 8 | Төв аймгийн Заамар сум | Хэрмэн дэнжийн балгас |
| 9 | Увс аймгийн Өмнөговь сум | Шар булгийн Онцын хадны зураг |
| 10 | Ховд аймгийн Жаргалан сум | Сангийн хэрэм |
| 11 | Хөвсгөл аймгийн Тариалан сум | Зүлэгтийн голын буган чулуун хөшөөд |
| 12 | Хэнтий аймгийн Цэнхэрмандал сум | Цэнхэрмандалын бичээс |
Энэхүү дурсгалуудыг улсын хамгаалалтад авснаар тухайн дурсгалын эх төрх, бүрэн бүтэн байдлыг хадгалж хамгаалах арга хэмжээг төлөвлөж хэрэгжүүлэх, дурсгалын үнэ цэн, ач холбогдлыг нэмэгдүүлэх, соёлын аялал жуулчлалыг хөгжүүлэхэд чухал ач холбогдолтой юм байна.