Зимбабве улсын Ерөнхийлөгч Роберт Мугабе эдүгээ 92 настай. Дэлхийн хамгийн өндөр настай төрийн тэргүүн 2018 онд болох Ерөнхийлөгчийн сонгуульд нэр дэвшиж, өрсөлдөх болсноо албан ёсоор зарлажээ. Төрийн эрхэнд 36 жил болж буй тэрээр “Эцсийн амьсгалаа хураах хүртлээ улс төрд үнэнчээр зүтгэмээр байна. Тиймээс надад итгэл хүлээлгэхийг хүсч байна” гэсэн байна. Р.Мугабе ийн зарлаж байгаа ч иргэдийнхээ дэмжлэгийг авах эсэх нь тодорхой бус аж. Учир нь 2010 онд түүний улсын мөнгөөр газар худалдан авсан, тансаг харш бариулсан зэрэг нь ил болох үед сөрөг хүчнийхэн жагсаал зохион байгуулж, огцрохыг шаардаж байв.