Энэтхэгийн Уйдапур хотод пауэрлифтингийн насанд хүрэгчдийн хүчний гурван төрөлтийн Азийн АШТ энэ сарын 7-12-нд болж өндөрлөлөө. Тэмцээнд манай улсын шигшээ багийн зургаан тамирчин өрсөлдөж нэг алт, гурван мөнгө, нэг хүрэл хүрэл медаль хүртсэн амжилттай эх орондоо ирлээ.
Тухайлбал, 83 кг-д М-1 ангиллын +120 кг-д Д.Отгонбаяр алтан медаль хүртсэн бол М-1 ангилалын -120 кг-д Ц.Үүрцайх, 83 кг-д Б.Гансүх, М.Батбаяр нар мөнгө, 59 кг-д М.Батмөнх хүрэл медаль хүртжээ. Монголын пауэрлифтингийн тамирчид ийнхүү тивийн аварга шалгаруулах тэмцээнээс медалийн иж бүрдэлтэй ирж байгаа бөгөөд энэ сарын 19-26-нд АНУ-ын Техас мужид хувцас хэрэглэлгүй төрлийн ДАШТ-д найман тамирчин хүч үзэх юм байна.