Францын нийслэл Парис хотод дахин буудалцаан болжээ. Тодруулбал, өнөөдөр нийслэл хотын хойд хэсгийн Сент Денис дүүргийн ойролцоо цагдаанхан халдлагад сэжиглэгдэж буй этгээдүүдтэй буудалцжээ. “BBC” агентлагт мэдээлснээр буудалцааны үеэр нэг цагдаа шархдаж, хоёр сэжигтан амиа алдсан байна. Амиа алдсан этгээдүүдийн нэг нь гэмт халдлагын удирдагч байж болзошгүй хэмээн сэжиглэж байсан Абделхамид Абаоуд гэх этгээд аж.
Сэжигтнүүдийг баривчлах ажиллагаа өнөө өглөө эхэлсэн юм. Энэ хүрээнд авто замуудыг хааж, Сент Денис гудамжин дахь гудамж талбайг чөлөөлжээ. Одоогийн байдлаар цагдаа нар сэжигтнүүдийг барилгад бүсэлсэн байна. Барилгад хэдэн тооны сэжигтэн байгаа нь тодорхойгүй байна. Парис хотноо өнгөрсөн баасан гаригт удаа дараалсан халдлага гарч, 129 хүн амь үрэгдэн, 350 гаруй хүн гэмтэж шархтсан билээ. Халдлагын үеэр амиа золиосолж, цагдаа нарт буудуулснаас долоон сэжигтэн амь үрэгдсэн юм. Францын прокурорууд амь үрэгдсэн долоон сэжигтний тавыг нь хэн болохыг тодруулсан байна. Тэдгээрийн дөрөв нь Францын иргэн, нэг нь Грект бүртгэлтэй дүрвэгч байжээ.