Бразилын Рио-Де-Жанеро хот паралимпийн тамирчдаа хүлээн авч эхэллээ. Есдүгээр сарын 7-нд эхэлж, 18-ныг хүртэл үргэлжлэх Зуны 15 дахь удаагийн паралимпийн наадамд Дэлхийн 173 орны баг тамирчид спортын 23 төрлөөр, 528 багц медалийн төлөө өрсөлдөнө.
Монгол Улсын Хөдөлмөрийн баатар, Гавъяат тамирчин Д.Баатаржав тэргүүтэй найман тамирчин паралимпийн жүдо бөх, байт харваа, хөнгөн атлетик, буудлага, пауэрлифтингийн төрлүүдэд оролцох юм.
Паралимпод эх орноо төлөөлөн өрсөлдөх тамирчид маань өнөөдөр Риог зорин нисэх гэж байна.