Иван Ярыгиний нэрэмжит “Алтан Гранпри” тэмцээн Красноярск хотын “Футбол-Арена Енисей” цогцолборт уржигдар эхэлсэн. 29 дэх удаагийн тэмцээний эхний өдөр манай улсаас 21 бөх барилдснаас зургаан тамирчин хүрэл медалийн төлөө барилдсан юм. Тэднээс тав нь медаль хүртсэн.
Харин өчигдөр 2017 оны дэлхийн аварга,
цэргийн дэлхийн аварга, Азийн АШТ-ий мөнгөн медальт, үндэсний шигшээ
баг, “Алдар” спорт хорооны тамирчин, гавьяат тамирчин Пүрэвдоржийн Орхон
аваргын алтлан медаль хүртлээ. Ингэснээр П.Орхон энэхүү тэмцээнд
сүүлийн гурван жил дараалан түрүүлж буй юм.
Эмэгтэйчүүдийн 62 кг-ын жинд 15 бөх
зодоглосноос П.Орхон 1/8 шигшээд нутаг нэгт спортын мастер Х.Болортуяаг
оноогоор цэвэр, шөвгийн наймд БНХАУ-ын Кан Яныг цэвэр, хагас шигшээд
өнгөрсөн жилийн финалд ялж байсан эзэн орны Инна Тражуковаг 10:8-аар,
шигшээ барилдаанд Японы Кива Сакаег оноогоор цэвэр (10:0) ялснаар Монгол
Улсын алтан соёмбот төрийн далбаагаа мандууллаа.