Монгол Улсын Ерөнхийлөгчийн баталсан “Цэргийн цол олгох журам”-ын дагуу Зэвсэгт хүчний жанжин штабын дарга, хошууч генерал Д.Даваагийн тушаалаар Онцгой байдлын албаны зургаан дэд хурандаад албан тушаалын зэрэглэлийн хурандаа цол олгосныг өнөөдөр ОБЕГ-ын дарга, бригадын генерал Т.Бадрал гардууллаа.
ОБЕГ-ын Санхүү хангалт, хөрөнгө оруулалтын газрын Барилга захиалагчийн тасгийн дарга Р.Болдбаатар, НОБГ-ын Нийслэлийн иргэдийг гамшгаас хамгаалах сургалт, арга зүйн төвийн дарга Г.Хүрэлбаатар, ХСИС-ийн Онцгой байдлын сургуулийн захирал У.Ганхөлөг, НОБГ-ын БЗД-ийн Онцгой байдлын хэлтсийн дарга Л.Цэрэндаваа, Баян-Өлгий аймгийн Онцгой байдлын газрын дарга С.Пүрэвсамдан, Ховд аймгийн ОБГ-ын Булган сум дахь Онцгой байдлын хэлтсийн дарга Б.Ганхуяг нарт хурандаа цол олгов гэж Онцгой байдлын ерөнхий газраас мэдээллээ.
