Монголын залуучуудын холбооны “Залуу хүн” цуврал лекцийн энэ долоо хоногийн зочноор “Рио-2016” наадмын олимпийн хүрэл медальт, ОУХМ Д.Отгондалай уригдсан байна. Азийн наадмын аварга, Азийн аварга Д.Отгондалай тив, тивийн шилдгүүдтэй хүч үзэн “Рио 2016” олимпийн наадамд боксын эрэгтэйчүүдийн 60 кг-д хүрэл медаль хүртэн Монгол түмнээ баярлуулсан бөгөөд Монгол Улсын тамирчдаас олимпийн медаль хүртсэн 26 дахь тамирчин, Монгол боксчдоос олимпийн медаль хүртсэн долоо дахь тамирчин юм.
Тэрээр энэ удаад бага нас, спорттой холбогдсон замнал, Олимпийн хүнд тулаануудынхаа тухай болоод залуу хүнийнхээ үзэл бодлоос хуваалцаж тун сонирхолтой чөлөөт ярилцлага өрнүүлэх гэнэ. Уг лекц залууст нээлттэй бөгөөд залуус өөрийн хүссэн асуултаа асууж, азтай үзэгч болох боломж ч байгаа аж.
Лекц энэ баасан гарагт буюу 2016. 10. 28-нд МЗХ-ны Залуус танхимд 17 цагаас эхлэх аж.