Наймдугаар сарын 8-наас 11-ний хооронд, Бээжин хотод болсон “Robot Challenge 2024” Олон Улсын Роботын тэмцээнд Монгол Улсын баг тамирчид амжилттай оролцож, хоёр алт, таван мөнгө, гурван хүрэл медаль хүртлээ.
Дэлхийн 31 орны 5000 гаруй тамирчид, 700 гаруй дасгалжуулагч, 300 гаруй байгууллага, гурван өдрийн турш өрсөлдсөн, дээд зэрэглэлийн тэмцээн болох “Robot Challenge 2024” наадамд Монголын баг ахин хүчтэй өрсөлдөгчийн нэгээр шалгарлаа.
Өнгөрсөн жил буюу “Robot Challenge 2023” наадамд, Монголын баг хоёр алт, хоёр мөнгө, хоёр хүрэл медаль хүртэж, чансаагаараа гуравдугаар байрт шалгарч байв. Энэ удаагийн нэгдсэн дүнг зохион байгуулагчид хараахан нийтлээгүй байна.