ОХУ-ын Тж-154 онгоцны сүйрлийн шалтгааныг ажлын хэсэг эхнээсээ тогтоож эхэлжээ. Онгоцны хар хайрцаг бусад биетүүдэд хийсэн мэргэжилтнүүдийн дүгнэлтээр онгоцны хурдыг сааруулах зориулалттай хаалт байдаг юм байна. Тэр нь далавчин дээрээ байрладаг. Манайхны авто замын босдог саадтай төстэй зүйл аж. Энэ төхөөрөмж нь онгоц газардах үед хурдыг огцом сааруулна. Анхны мэдээллээр бол нисгэгчидын хариуцлагагүй ажиллагаанаас болсон тухай яригдаж байсан. Гэтэл сүүлийн олдсон хар хайрцагны мэдээллээр энэ техникийн шалтгаан болж таарч байна. Тус сааруулагчийн онгоц хурдаа авах үед бага зэрэг, харин авч газраас хөөрөх үед бүрэн хаасан байх журамтай. Энэ журам зөрчигдсөнөөс онгоц сүйрсэн гэсэн таамаг анх дэвшүүлж байжээ. Гэтэл сүүлийн үеийн мэдээгээр энэ сааруулагч огт ажиллахгүй байснаас онгоц сүйрсэн гэсэн таамаг дэвшүүлж байна. Энэ таамгийг дэвшүүлэх шалтгаан нь сүүлийн мөчид нэгэн нисгэгч “Новшийн сааруулагч” гэж харааж байсан бичлэг хар хайрцагнаас олдсонтой холбоотой аж.
Өмнө нь туршин нисгэгч М.Толбоев “ВЗГЛЯД” сонинд ярилцлага өгөхдөө “Сааруулагч ажиллаагүй тохиолдолд онгоц өөрийн тэнхлэгийн дагуу огцом эргэж унана. Энэ тохиолдолд хэн ч ямар я арга хэмжээ авч амжихгүй” гэсэн ярилцлага өгчээ. ОХУ-ын нисэх хүч сонирхогчдын холбооны дэд ерөнхийлөгч гавьяат туршин нисгэгч В.Заболотский ч үүнтэй санал нэгдэж байна. Мэргэжилтнүүдийн үзэж буйгаар сааруулагчийн залуур хоёрдугаар нисгэгчийн гар дор байдаг. Харин ноцтой байдал үүссэн үед нисгэг гар хаан байсан нь тодрхойгүй байгаа аж. Сааруулагч удирдлаггүй болсон, эсвэл хэн нэг нь буруу үйлдэл хийснийг хараахан тогтоогоогүй гэнэ.
Иргэний нисэхийн орлогч сайд асан гавьяат нисгэгч өөрөө Ту-154 онгоцны нисгэгч байсан О.Смирнов “Сааруулагчийг нисэх буух үед л ашигладаг онгоц хөөрөх үедээ осолдсон нь сааруулагчийн үйл ажиллагаатай холбоотой байх өндөр магадлалтай” гэжээ