ОХУ-ын 200
гаруй зорчигчтой онгоц Синайн хойгийн төв хэсэгт сүйрсэн тухай Египетийн
Засгийн газрын төлөөлөгч мэдээлэв. Онгоц хөөрснийхөө дараа 23 минут болоод Кипр
дэх агаарын хяналтын төвтэй холбогдох ёстой байсан ч сураггүй болсон гэнэ.
Airbus A-321 загварын онгоц Улаан тэнгис дэх Шарм эль-Шэйх амралтын газраас
хөөрч Санкт-Петербург хотыг чиглэн нисэж байжээ. Оросын нислэгийн хяналтын
Росавиация байгууллагын мэдээлснээр 9268 дугаартай нислэгийн онгоц Москвагийн
цагаар 06:51 цагт Шарм эль-Шэйхээс хөөрч Санкт-Петербургийн Пулково онгоцны
буудалд 12:10 цагт буух байжээ. Онгоцыг Оросын Когалымавиа компани эзэмшдэг юм
байна. 217 зорчигч, онгоцны багийн гишүүн 7 хүн явжээ. Ихэнх зорчигч нь Оросын
жуулчид байсан гэнэ.