Монголын үндэсний бөхийн холбоо, Хөвсгөлийн хүчтэн дэвжээ, “Гурван аварга” сантай хамтран Уйлган голын алдарт гурван аваргын нэрэмжит барилдааныг ням гарагт /2018.05.20/ Спортын төв ордонд зохион байгууллаа.
Спортын төв ордонд 20 жилийн дараа зохион байгуулсан үндэсний бөхийн барилдаанд улсын харцага О.Хангай түрүүлсэн байна.
Барилдаанд улс, аймгийн алдар цолтой 128 бөх зодоглосноос Ховд аймгийн Буянт сумын харъяат, улсын залуу харцага О.Хангай түрүүлж, Хөвсгөл аймгийн Тосонцэнгэл сумын харьяат, улсын арслан Ц.Содномдорж үзүүрлэв.
Харин их шөвөгт Сэлэнгэ аймгийн Мандал сумын харьяат, улсын заан Н.Жаргалбаяр заан, Өвөрхангай аймгийн Уянга сумын харъяат, улсын Х.Гантулга нар шалгарч үлдлээ.