Улаанбаатар хотын Ерөнхий менежер бөгөөд Захирагчийн ажлын албаны даргын албан үүргийг түр орлон гүйцэтгэгч Т.Гантөмөр хотын зарим газруудад ихээр ургасан шарилжнуудыг зулгааж, иргэдийн амгалан тайван амьдрах, жолооч нарыг чөлөөтэй зорчих боломжийг бүрдүүлэхэд анхаарч зэрлэг ургамлыг хадах хэлбэрээр устгаж нийслэлийн иргэдийг эрүүл амьдрах нөхцлийг бүрдүүлэх хэрэгтэйг анхааруулжээ. Цаашид “Шарилжгүй Улаанбаатар” хоттой болохын төлөө ажиллах болно.
Мөн нийтийн үйлчилгээний Улаанбаатар нэгтгэлийн Баруун салбарын удирдлагуудад Цамбагаравын автобусны буудлын уулзварын хайс хашлагыг засварлах, нийтийн эзэмшлийн гудамж зам талбайн цэвэрлэгээ үйлчилгээг сайжруулах, ногоон байгууламжин дээр түргэн үйлчилгээний цэг, хүнсний дэлгүүрүүдийг байршуулахгүй байхад анхаарч, тогтмол хяналт тавих хэрэгтэйг сануулсан байна.
Мөн Нарангийн энгэрийн төвлөрсөн хогийн цэг, Коicaгийн хог боловсруулах үйлдвэрийн ажилтай танилцжээ. Энэ үеэр хогийг ландфил технологиор дарж устгах зардлыг нэмэгдүүлэх, машин техникийн хүрэлцээ хангамжийг сайжруулах хүсэлтийг тавилаа.
О.ӨНӨР