Нийслэлийн Иргэдийн Төлөөлөгчдийн Хурлын ээлжит сонгуульд Нийслэлийн
Ардчилсан намаас 45 нэр дэвшигч оролцохоор болжээ. Нэр дэвшигчид өнөөдөр
намын гишүүд, дэмжигчидтэйгээ уулзаж, мөрийн хөтөлбөртөө гарын үсэг
зурлаа.
Тус уулзалтад Нийслэлийн 9 дүүргийн төлөөлөл 1800 гаруй гишүүн,
дэмжигчид чуулав. Дэмжигч гишүүд өнгөрсөн 4 жилийн хугацаанд Нийслэлд
хийгдсэн бүтээн байгуулалтад сэтгэл дүүрэн буйгаа илэрхийлж байлаа.
Нийслэлийн Ардчилсан нам энэ удаагийн НИТХ-ын сонгуульд
“5+Төлөвлөгөө” нэртэй мөрийн хөтөлбөр дэвшүүлэн оролцохоо мэдэгдээд буй.
Уулзалтын эхэнд НИТХ-ын сонгуульд нэр дэвшигч 45 гишүүн, тус мөрийн
хөтөлбөрөө Э.Бат-Үүлтэй хамтран хэрэгжүүлэхээ илэрхийлж, мөрийн
хөтөлбөртөө гарын үзэг зурж баталгаажуулав.
“5+”төлөвлөгөөг биелүүлэхийн төлөө их хотын эрчимтэй хөгжлийн төлөө
нэгэн үзүүрт сэтгэлээр багаа удирдан зүтгэсээр байх болно гэдгээ
илэрхийлэн гарын үсгээ анхлан зурсан хүн бол Нийслэлийн шинэчлэлийн
багийн ахлагч, НИТХ-ын сонгуульд Хан-Уул дүүргийн 36-р тойрогт нэр
дэвшигч Э.Бат-Үүл байв. Түүний дараа
- Сүхбаатар дүүргийн 25-р тойрогт нэр дэвшигч Д.Баттулга
- Баянгол дүүргийн 2-р тойрогт нэр дэвшигч Б.Мөнгөнсүх
- Баянгол дүүргийн 3-р тойрогт нэр дэвшигч Т.Нямцэцэг
- Баянгол дүүргийн 4-р тойрогт нэр дэвшигч Ц.Одонтунгалаг
- Баянгол дүүргийн 5-р тойрогт нэр дэвшигч Ц.Гомбосүрэн
- Баянгол дүүргийн 6-р тойрогт нэр дэвшигч В.Ганбаатар
- Баянзүрх дүүргийн 7-р тойрогт нэр дэвшигч Т.Батцогт
- Баязүрх дүүргийн 8-р тойогт нэр дэвшигч М.Тулгат
- Баянзүрх дүүргийн 9-р тойрогт нэр дэвшигч С.Үнэн
- Баянзүрх дүүргийн 10-р тойрогт нэр дэвшигч Ц.Энхцэнгэл
- Баянзүрх дүүргийн 11-р тойрогт нэр дэвшигч Ж.Амарсанаа
- Баянзүрх дүүргийн 12-р тойрогт нэр дэвшигч Н.Нацагдорж
- Баянзүрх дүүргийн 13-р тойрогт нэр дэвшигч Т.Баясах
- Баянзүрх дүүргийн 14-р тойрогт нэр дэвшигч Б.Отгонбаяр
- Баянзүрх дүүргийн 15-р тойрогт нэр дэвшигч А.Лхагвадорж
- Сонгинохайрхан дүүргийн 16-р тойрогт нэр дэвшигч Б.Мөнхгэрэл
- Сонгинохайрхан дүүргийн 17-р тойрогт нэр дэвшигч Ч.Бэлэгсайхан
- -Сонгинохайрхан дүүргийн 18-р тойрогт нэр дэвшигч М.Цэвээн-Очир
- Сонгинохайрхан дүүргийн 19-р тойрогт нэр дэвшигч Л.Сайнтөгс
- Сонгинохайрхан дүүргийн 20-р тойрогт нэр дэвигч Ш.Гантөмөр
- Сонгинохайрхан дүүргийн 21-р тойрогт нэр дэвшигч Ш.Одгэрэл
- Сонгинохайрхан дүүргийн 22-р тойрогт нэр дэвшигч Ч.Бямбажав
- Сонгинохайрхан дүүргийн 23-р тойрогт нэр дэвшигч Д.Энхсайхан
- Сонгинохайрхан дүүргийн 24-р тойрогт нэр дэвшигч П.Галиндэв
- Хан-Уул дүүргийн 31-р тойрогт нэр дэвшигч Б.Наранцацралт
- Хан-Уул дүүргийн 32-р тойрогт нэр дэвшигч Ё.Цацралтуяа
- Хан-Уул дүүргийн 33-р тойрогт нэр дэвшигч П.Батчимэг
- Хан-Уул дүүргийн 34-р тойрогт нэр дэвшигч Б.Түвшин
- Хан-Уул дүүргийн 35-р тойрогт нэр дэвшигч А.Цэрэнбат
- Чингэлтэй дүүргийн 37-р тойрогт нэр дэвшигч Б.Батхуяг
- Чингэлтэй дүүргийн 38-р тойрогт нэр дэвшигч Л.Энхтуяа
- Чингэлтэй дүүргийн 39-р тойрогт нэр дэвшигч Т.Бат-Эрдэнэ
- Чингэлтэй дүүргийн 40-р тойрогт нэр дэвшигч Ц.Баатархүү
- Чингэлтэй дүүргийн 41-р тойрогт нэр дэвшигч Д.Алтанхуяг
- Чингэлтэй дүүргийн 42-р тойрогт нэр дэвшигч Л.Наранбаатар
- Багануур дүүргийн 43-р тойрогт нэр дэвшигч О.Мөнхтулга
- Багахангай дүүргийн 44-р тойрогт нэр дэвшигч Н.Батаа
- Налайх дүүргийн 45-р тойрогт нэр дэвшигч П.Ганзориг гэсэн бусад 45 нэр дэвшигч мөрийн хөтөлбөртөө гарын үсэг зурав.
Эдгээр 45 нэр дэвшигчийн 90 хувь нь инженер, эдийн засагч
мэргэжилтэй. Дундаж нас 45 бөгөөд нэр дэвшигчдийн 8 нь эмэгтэй, 37 нь
эрэгтэй аж.
Тус намын ахмад гишүүн “Энэ 45 нэр дэвшигч бол их хотын их ажлын ард
гарна гэсэн итгэл дүүэн баг. Энэ бол Бат-Үүлийн багийн эхлүүлсэн
шинэчлэлийн эцсийн үр дүнг үзнэ гэсэн иргэдийнхээ захиасыг биелүүлэх
баг. Энэ бол мартагдсан гэр хорооллын маргаашийн хөгжлийг ойртуулах баг.
Энэ багийн өнгөрсөн дөрвөн жилд хийсэн ажил нүдний өмнө илхэн байна.
Тийм учраас энэ залуус маань түмний итгэлийг дааж чадна гэдэгт бид
итгэлтэй байна. Та бүхэндээ чин сэтгэлийн сайн сайхныг ерөөж байна”
хэмээн идээний дээд мөнгөн аягтай сүү, эдийн дээд цэнхэр хатагтай
хамтатган Хотын дарга Э.Бат-Үүлд барилаа.
Хотын дарга Э.Бат-Үүл уулзалтыг хааж хэлсэн үгэндээ “Манай намын нэг
ахмад гишүүн надад хэлж байсан. “Та нараараа бахархаж гэж би
Улаанбаатар хотынхоо гудамжаар алхдаг. Нийслэлийнхээ гудамжаар алхах
хичнээн сайхан юм бэ” гэж хэлж байсан юм. Бид сонгогдсон дөрвөн
жилийнхээ хугацаанд сонгосон нэр төрийг чинь өндөрт өргөж явсан гэж
хэлэхийг хүсэж байна. Ийм зангидсан гар шиг байж чадсан баг Монгол Улсын
Ардчиллын түүхэнд байгаагүй гэж би хэлж чадна.
Нийслэлийн Ардчилсан нам өнгөрсөн 4 жилийн хугацаанд иргэдийнхээ
итгэл даалгавраар мөрийн хөтөлбөрөө амжилттай хэрэгжүүлж, их бүтээн
байгуулалтын бослого гаргалаа. Арвин он жилүүдээр хийгдээгүй ажил,
хураагдсан бэрхшээлээс бид ухарч няцаагүй. Ханцуй шамлан зүтгэж
амжилттай ажиллаж өнөөдрийг хүрсэн.
Бид амьдарч буй орчноо, алхаж буй гудамжаа, зорчдог автобусаа хэзээ,
яаж өөрчлөгдсөн, хэн юу хийснийг хэнээр ч хэлүүлэхгүй сайн мэднэ. Зарим
хүмүүс 20 жил хийгээгүй ажлыг хийлээ, тавиагүй замыг тавилаа, хаягдаад
байсан гэр хорооллыг өөрчлөхөөр атаархаж байна. Гэвч хоосон атаархагчид
атаархаж л байг. Бид ажиллаж л байх болно. Гурав дахин их зам тавьж,
гурав дахин олон цэцэрлэг барьсныхаа төлөө атаархагчдад муулуулж байгаа.
Гэвч тэд муулаг. Ажил хийж байгаа хүнийг хэл ам дагаж л байдаг. Муулах
тусам бид улам сайн ажиллах болно гэдгээ энэ хэлэхийг хүсэж байна.
Цаашид энэ эрчээрээ ажиллавал Улаанбаатар маань дэлхийд хүлээн
зөвшөөрөгдсөн хот болно гэдэгт эргэлзэхгүй байна. Үүний төлөө манай баг
“5+” төлөвлөгөө боловсруулсан. Энэ бол худлаа амлалт биш. Ажил хийсэн
учраас үргэжлүүлэн ажиллах төлөвлөгөө юм. Ногоон байгууламж, зам харгуй,
сургууль цэцэрлэгийн дэд бүтцээ нэмэн хөгжүүлэх төлөвлөгөө юм.
Улаанбаатар хотоо улам өнгөжүүлж, үр хүүхэд, хойч үедээ илүү сайхан
Нийслэлээ өвлүүлцэгээе. Бүтээн байгуулалтын их ажлаа үргэлжлүүлцгээе”
хэмээв.
Уулзалтын төгсгөлд Нийслэлийн Ардчилсан намаас НИТХ-ын сонгуульд нэр
дэвшигчид болон тус намын гишүүд дэмжигчид XX зууны манлай дуу “Халуун
элгэн” нутаг дууг эгшиглүүлснээр уулзалт өндөрлөлөө.