Нийслэл хотын гудамж замд есдүгээр сар гарсаар том оврын автобус техникийн саатлын улмаас унтарч, замын хөдөлгөөнд зохиомол түгжрэл саатал үүсгэж, иргэдийг ихээр бухимдуулж байгаа тул Хан-Уул дүүрэг дэх замын цагдаагийн алба хаагчид тус дүүргийн нутаг дэвсгэрт байрлах Нийтийн тээврийн чиглэлээр үйл ажиллагаа явуулдаг аж ахуй нэгж байгууллагын тээврийн хэрэгслийн бүрэн байдлыг шалгаж байна. Шалгалтын үеэр Зорчигч тээврийн нэгтгэл ОНӨААТҮГ-ийн I баазын жолооч Д согтууруулах ундааны зүйл хэрэглэсэн байсныг илрүүлэн холбогдох арга хэмжээг авч, энэ төрлийн зөрчлийг дахин гаргуулахгүй байх, тээврийн хэрэгслийн бүрэн бүтэн байдлыг хангуулах талаар албан мэдэгдэл хүргүүлж ажиллалаа гэж Хан-Уул дүүргийн Замын цагдаагийн хэлтсээс мэдээллээ.
